Psa 116 | NdeIBE | STEP | Ngiyamthanda uJehova ngokuba walizwa ilizwi lami; wezwa ukukhala kwami ngicela umusa.

Psalms 116

1 Ngiyamthanda uJehova ngokuba walizwa ilizwi lami; wezwa ukukhala kwami ngicela umusa.

2 Ngokuba wangipha indlela yakhe, ngizambiza kokuphela uma ngisaphila.

3 Izibopho zokufa zangithandela, ubuhlungu obukhulu bengcwaba bangehlela; ngagajelwa yikuhlupheka losizi.

4 Ngasengibiza igama likaJehova: “O Jehova, ake ungisindise!”

5 UJehova ulomusa njalo ulungile; UNkulunkulu wethu ulesihawu.

6 UJehova uvikela abalenhliziyo ethobekileyo; ngathi ngihluphekile kakhulu wangisindisa.

7 Phumula njalo, we mphefumulo wami, ngoba uJehova ukwenzile ukulunga.

8 Ngokuba wena, O Jehova, uwukhulule umphefumulo wami ekufeni, amehlo ami ezinyembezini, lezinyawo zami azaze zakhubeka,

9 ukuze ngihambe phambi kukaJehova elizweni labaphilayo.

10 Ngakholwa; ngakho ngasengisithi, “Ngiyahlupheka kakhulu.”

11 Ngiphakathi kokulahla ithemba ngathi, “Bonke abantu balamanga.”

12 Ngingambonga ngani uJehova ngabo bonke ubuhle bakhe kimi?

13 Ngizayiphakamisa inkezo yensindiso ngimemeze ibizo likaJehova.

14 Ngizazigcwalisa izifungo zami kuJehova phambi kwabo bonke abantu bakhe.

15 Kuligugu emehlweni kaJehova ukufa kwabangcwele bakhe.

16 O Jehova, ngempela ngiyinceku yakho, indodana yencekukazi yakho; usungikhulule emaketaneni ami.

17 Ngizakwenzela umhlatshelo womnikelo wokubonga ngilibize igama likaJehova.

18 Ngizazigcwalisa izifungo zami kuJehova phambi kwabo bonke abantu bakho,

19 emagumeni endlu kaJehova phakathi kwakho, wena Jerusalema. Dumisani uJehova.